EXTRA CASCO

1. Ի՞ՆՉ Է «EXTRA CASCO» ԾՐԱԳԻՐԸ

Ծրագիրն առաջարկում է ավտոտրանսպորտային միջոցի ԿԱՍԿՈ ապահովագրության ընդլայնված ծածկույթ, որը ներառում է`

1. ԿԱՍԿՈ ՍՏԱՆԴԱՐՏ ՌԻՍԿԵՐ, այդ թվում՝

• Վթար (ՃՏՊ),
• Բնական աղետներ,
• Հրդեհ, պայթյուն, որն առաջացել է ՃՏՊ հետևանքով,
• Կենդանիների կողմից հասցված վնաս,
• Թռչող սարքավորումների կամ այլ առարկաների, այդ թվում` ծառերի, քարերի, բեկորների, ձյան կամ սառույցի վայր ընկնելու հետևանքով հասցված վնաս,
• Ավտոտրանսպորտային միջոցի՝ ջուրն ընկնելու հետևանքով հասցված վնաս,
• Երրորդ անձանց գործողություններ,
• Ավտոտրանսպորտային միջոցի հափշտակություն (ընտրովի ռիսկ)․

2. «ՄԵՔԵՆԱՅԻ ՎԱՐՁԱԿԱԼՈՒԹՅՈՒՆ» ծառայություն. մինչև 10 օր տևողությամբ ավտոմեքենան ԱՆՎՃԱՐ վարձակալելու հնարավորություն (Enterprise Rent-A_Car ընկերությունից)

3. «ՍԹԱՓ ՎԱՐՈՐԴ» ծառայություն․


2. Ո՞Ր ԱՎՏՈՏՐԱՍՊՈՐՏԱՅԻՆ ՄԻՋՈՑՆԵՐՆ ԵՆ ԵՆԹԱԿԱ ԱՊԱՀՈՎԱԳՐՈՒԹՅԱՆ

Ավտոտրանսպորտային միջոցները (ԱՄ) և դրանց լիազորված վարորդները պետք է բավարարեն հետևյալ պայմաններին՝

• ԱՄ արտադրություն՝ մինչև 10 տարվա
• ԱՄ արժեք՝ 6 մլն ՀՀ դրամ և ավելի
• ԱՄ տեսակ՝ մարդատար, «B» կարգ
• ԱՄ շահագործման նպատակ՝ անձնական
• Վարորդի տարիքը՝ 21 տարեկան և ավելի
• Վարորդի ստաժը՝ 3 տարի և ավելի
• Վարորդի ԲՄ դասը՝ 1 – 15 ԴԱՍ

Ապահովագրման ենթակա չեն հատուկ խմբի մեջ մտնող ԱՄ-ները, որոնք սահմանվում են հաշվիչով:

Ի՞ՆՉ ՓԱՍՏԱԹՂԹԵՐ ԵՆ ԱՆՀՐԱԺԵՇՏ ՊԱՅՄԱՆԱԳԻՐ ԿՆՔԵԼՈՒ ՀԱՄԱՐ

-  Ավտոտրանսպորտային միջոցի սեփականատիրոջ անձնագիր,

-  Ավտոտրանսպորտային միջոցի հաշվառման վկայագիր,

-  Լիազորված տիրապետողի անձնագիր և վարորդական վկայական։

Ելնելով տարաբնույթ հանգամանքներից կարող են պահանջվել լրացուցիչ փաստաթղթեր և տեղեկատվություն։

               Ընկերությունը «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված հաճախորդի պատշաճ ուսումնասիրության նպատակով կարող է սպառողից «Ճանաչիր քո հաճախորդին» («Know your customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ։

Ապահովագրության տեսակը, ապահովագրության դասը և (կամ) ենթադասը, ապահովագրության պայմանագրի վերակնքման, վերաձևակերպման կարգն ու պայմանները, ապահովագրական պայմանագրի գործողության ընթացքում պայմանագրի կրկնօրինակների, տեղեկանքների և այլ տեղեկությունների տրամադրման պայմանները, ժամկետները և սակագները, ինչպես նաև ապահովագրության պայմանագրի վաղաժամկետ դադարեցման և լուծման դեպքերն ու պայմանները, ներառյալ նաև ապահովադրին վերադարձման ենթակա ապահովագրավճարների մեծության չափը և հաշվարկման կարգը ներկայացված են ստորև կցված Պայմաններում։