CASCO UNIVERSAL

Ի՞ՆՉ Է «CASCO UNIVERSAL» ԾՐԱԳԻՐԸ

«CASCO UNIVERSAL» ծրագիրն առաջարկում է ավտոտրանսպորտային միջոցի ապահովագրություն հետևյալ ռիսկերից՝

- Վթար (ՃՏՊ),
- Բնական աղետներ,
- Հրդեհ, պայթյուն, որն առաջացել է ՃՏՊ հետևանքով,
- Կենդանիների կողմից հասցված վնաս,
- Թռչող սարքավորումների կամ այլ առարկաների, այդ թվում` ծառերի, քարերի, բեկորների, ձյան կամ սառույցի վայր ընկնելու հետևանքով հասցված վնաս,
- Ավտոտրանսպորտային միջոցի՝ ջուրն ընկնելու հետևանքով հասցված վնաս,
- Երրորդ անձանց գործողություններ,
- Ավտոտրանսպորտային միջոցի հափշտակություն:

Ծածկույթի բացառություններն են՝
- Ինքնաբռնկում,
- Միայն ապակիներին վնաս,
- Դետալների հափշտակություն,
- ԿԱՍԿՈ ապահովագրության ստանդարտ բացառություններ:

Ո՞Ր ԱՎՏՈՏՐԱՆՍՊՈՐՏԱՅԻՆ ՄԻՋՈՑՆԵՐՆ ԵՆ ԵՆԹԱԿԱ ԱՊԱՀՈՎԱԳՐՄԱՆ
Ավտորանսպորտային միջոցները (ԱՄ) և դրանց լիազորված տիրապետողները պետք է բավարարեն հետևյալ պայմաններին՝

- ԱՄ արտադրության տարի՝ 1995 – 2015 *
- ԱՄ տեսակ՝ Մարդատար, «B» կարգ
- ԱՄ շահագործման նպատակ՝ Անձնական
- Վարորդի տարիքը՝ 21 տարեկան և ավելի
- Վարորդի ստաժը՝ 3 տարի և ավելի
- Վարորդի ԲՄ դասը՝ 1 – 14 ԴԱՍ

*Ապահովագրման ենթակա չեն հատուկ խմբի մեջ մտնող ԱՄ-ները, որոնք սահմանվում են հաշվիչով:

ՈՎՔԵ՞Ր ԿԱՐՈՂ ԵՆ ՁԵՌՔ ԲԵՐԵԼ «CASCO UNIVERSAL» ՊԱՅՄԱՆԱԳԻՐ
«CASCO UNIVERSAL» ապահովագրության պայմանագիր կարող է ձեռք բերել.

- ավտոտրանսպորտային միջոցի սեփականատերը,
- ավտոտրանսպորտային միջոցի վարձակալը:

Ի՞ՆՉ ՓԱՍՏԱԹՂԹԵՐ ԵՆ ԱՆՀՐԱԺԵՇՏ ՊԱՅՄԱՆԱԳԻՐ ԿՆՔԵԼՈՒ ՀԱՄԱՐ
Ավտորանսպորտային միջոցները (ԱՄ) և դրանց լիազորված տիրապետողները պետք է բավարարեն հետևյալ պայմաններին՝

- Ավտոտրանսպորտային միջոցի սեփականատիրոջ անձնագիր,
- Ավտոտրանսպորտային միջոցի հաշվառման վկայագիր,
- Լիազորված տիրապետողի անձնագիր և վարորդական վկայական:

Ելնելով տարաբնույթ հանգամանքներից կարող են պահանջվել լրացուցիչ փաստաթղթեր և տեղեկատվություն։

    Ընկերությունը «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված հաճախորդի պատշաճ ուսումնասիրության նպատակով կարող է սպառողից «Ճանաչիր քո հաճախորդին» («Know your customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ։

Ապահովագրության տեսակը, ապահովագրության դասը և (կամ) ենթադասը, ապահովագրության պայմանագրի վերակնքման, վերաձևակերպման կարգն ու պայմանները, ապահովագրական պայմանագրի գործողության ընթացքում պայմանագրի կրկնօրինակների, տեղեկանքների և այլ տեղեկությունների տրամադրման պայմանները, ժամկետները և սակագները, ինչպես նաև ապահովագրության պայմանագրի վաղաժամկետ դադարեցման և լուծման դեպքերն ու պայմանները, ներառյալ նաև ապահովադրին վերադարձման ենթակա ապահովագրավճարների մեծության չափը և հաշվարկման կարգը ներկայացված են ստորև կցված Պայմաններում։