CAR ASSISTANT

Այլևս պետք չէ ամեն անգամ վճարել էվակուատորի, շարժական վուլկանացման համար։ Մենք մշակել ենք ապահովագրության համալիր ծրագիր՝ ՍՈՒՊԵՐՓԱԹԵԹ։ Եթե ունեք Car Assistant, ուրեմն ունեք դժբախտ պատահարներից ապահովագրություն և մի շարք ծառայություններից անվճար ու անսահմանափակ անգամներ օգտվելու հնարավորություն։

Ստացվում է՝ վճարում եք մեկ անգամ, ձեռքբերում հարմարավետություն ու ապահովություն ամբողջ տարվա համար։

• Ընդհանուր տեղեկություններ
  

  Ի՞ՆՉ Է «CAR ASSISTANT» ԱՊԱՀՈՎԱԳՐՈՒԹՅԱՆ ԾՐԱԳԻՐԸ
  Ավտոտրանսպորտային միջոցի շահագործման ընթացքում Երևան քաղաքում և Երևան քաղաքից 20 կմ շառավիղն ընդգրկող տարածքներում պատահար տեղի ունենալու դեպքում «CAR ASSISTANT» ծրագրի շրջանակներում տրամադրվում են հետևյալ ծառայությունները ՝

  - Շարժական վուլկանացման ծառայություն (անվադողերի վերանորոգում),
  - Մարտկոցի կցասնուցման ծառայություն,
  - Էվակուատորի ծառայություն,
  - Ապահովագրության հետ կապված ցանկացած խորհրդատվություն 24/7 ռեժիմով,
  -Ապահովագրական հատուցման ստացում՝ առանց Ապահովագրողի գրասենյակ այցելելու,
  Ինչպես նաև
  -Ավտոտրանսպորտային միջոցի վարորդի դժբախտ պատահարներից ապահովագրություն:

   

  
  ՈՎՔԵ՞Ր ԿԱՐՈՂ ԵՆ ՁԵՌՔ ԲԵՐԵԼ «CAR ASSISTANT» ՊԱՅՄԱՆԱԳԻՐ
  «CAR ASSISTANT» ապահովագրության պայմանագիր կարող են ձեռք բերել.

  - Հաշվառված ավտոտրանսպորտային միջոցի սեփականատերերը,
  - Ավտոտրանսպորտային միջոցի վարձակալները,
  - Վարելու միջոցով ավտոտրանսպորտային միջոցներ ներմուծողները:

   

  
  Ի՞ՆՉ ՌԻՍԿԵՐԻՑ ԵՆՔ ԱՊԱՀՈՎԱԳՐՈՒՄ
  «Նաիրի Ինշուրանս»-ն առաջարկում է պաշտպանություն ապահովագրական պատահարի հետևանքով առաջացած հետևյալ իրադարձությունների ի հայտ գալու դեպքում.

  - Աշխատունակության ժամանակավոր կորուստ,
  - Աշխատունակության մշտական կորուստ,
  - Մահ:

   

   

  Ընկերությունը «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված հաճախորդի պատշաճ ուսումնասիրության նպատակով կարող է սպառողից «Ճանաչիր քո հաճախորդին» («Know your customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ։

   

  Ապահովագրության տեսակը, ապահովագրության դասը և (կամ) ենթադասը, ապահովագրության պայմանագրի վերակնքման, վերաձևակերպման կարգն ու պայմանները, ապահովագրական պայմանագրի գործողության ընթացքում պայմանագրի կրկնօրինակների, տեղեկանքների և այլ տեղեկությունների տրամադրման պայմանները, ժամկետները և սակագները, ինչպես նաև ապահովագրության պայմանագրի վաղաժամկետ դադարեցման և լուծման դեպքերն ու պայմանները, ներառյալ նաև ապահովադրին վերադարձման ենթակա ապահովագրավճարների մեծության չափը և հաշվարկման կարգը ներկայացված են ստորև կցված Պայմաններում։