ԱՊԿԱ

Ինչն է ապահովագրվում ծրագրով

ԱՊԿԱ պայմանագրով փոխհատուցվում են ավտոտրանսպորտային միջոցի վարորդի մեղավորությամբ տեղի ունեցած ՃՏՊ-ի հետևանքով երրորդ անձանց պատճառված գույքային վնասները, որոնք գերազանցում են ԱՊՊԱ պայմանագրով հատուցման ենթակա գումարի առավելագույն չափը:

Հատուցումն իրականացվում է տուժող կողմի ավտոտրանսպորտային միջոցին պատճառված վնասի մեծության և ԱՊՊԱ պայմանագրի գծով ստացած հատուցման տարբերության չափով, բայց ոչ ավելի, քան ԱՊԿԱ պայմանագրով սահմանված ապահովագրական գումարը:

Օրինակ, Ձեր մեղավորությամբ տեղի ունեցած ՃՏՊ-ի հետևանքով տուժող ավտոմեքենային պատճառված վնասը կազմել է 2,600,000 ՀՀ դրամ։ Ձեր կնքած ԱՊՊԱ պայմանագրով տուժող կողմին կհատուցվի 1,800,000 ՀՀ դրամ։ Եթե չունեք ԱՊԿԱ պայմանագիր, վնասի մնացած 800,000 ՀՀ դրամը տուժողին կհատուցեք Դուք, եթե ունեք ԱՊԿԱ՝ «Նաիրի Ինշուրանս»-ը Ձեր փոխարեն տուժողին կհատուցի նշված 800,000 ՀՀ դրամը:

Պատահարներ, ռիսկեր

Հատուցվում են․
անձնական վնասներ, որոնք ներառում են Տուժողի առողջությանը պատճառված վնասները և դրանց հետևանքով կորցրած աշխատավարձը (եկամուտները), ինչպես նաև Տուժողի մահը, գույքին պատճառված վնասներ, որոնք ներառում են Տուժողին պատկանող գույքի վնասվածքը կամ ոչնչացումը` բացառությամբ վնաս պատճառող Ավտոտրանսպորտային միջոցին կամ դրա կցորդին (կիսակցորդին) կցված կամ դրանց մեջ (վրա) գտնվող և Տուժողին սեփականության իրավունքով պատկանող գույքի:

Ապահովագրավճար

Տարեկան ապահովագրավճարը՝ սկսած 5000 դրամից։ 

Ապահովագրության ժամկետ

Ապահովագրության պայմանագիրը կարող է կնքվել՝
1 տարի ժամկետով մինչև 1 տարի ժամկետով

*Ապահովագրության պայմանագիրը 1 տարուց պակաս ժամկետով կնքելու դեպքում տարեկան ապահովագրավճարի նկատմամբ կիրառվում են կարգավորիչ գործակիցներ։ 

Ավտոտրանսպորտային միջոցի սեփականատիրոջ անձը հաստատող փաստաթուղթ

Ավտոտրանսպորտային միջոցի տեխնիկական անձնագիր

Ելնելով տարաբնույթ հանգամանքներից կարող են պահանջվել լրացուցիչ փաստաթղթեր և տեղեկատվություն։

               Ընկերությունը «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված հաճախորդի պատշաճ ուսումնասիրության նպատակով կարող է սպառողից «Ճանաչիր քո հաճախորդին» («Know your customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ։

Ապահովագրության տեսակը, ապահովագրության դասը և (կամ) ենթադասը, ապահովագրության պայմանագրի վերակնքման, վերաձևակերպման կարգն ու պայմանները, ապահովագրական պայմանագրի գործողության ընթացքում պայմանագրի կրկնօրինակների, տեղեկանքների և այլ տեղեկությունների տրամադրման պայմանները, ժամկետները և սակագները, ինչպես նաև ապահովագրության պայմանագրի վաղաժամկետ դադարեցման և լուծման դեպքերն ու պայմանները, ներառյալ նաև ապահովադրին վերադարձման ենթակա ապահովագրավճարների մեծության չափը և հաշվարկման կարգը ներկայացված են ստորև կցված Պայմաններում։