NAIRI SPORT

Ոչ միայն պրոֆեսիոնալ մարզիկները, այլև սպորտով սիրողական զբաղվողները հաճախ տարբեր աստիճանի վնասվածքներ են ստանում, ինչն էլ ֆինանսական լրացուցիչ բեռ է ստեղծում։ Սպորտային ապահովագրություն ունենալը պարտադիր չէ (բացառությամբ՝ սպորտային տարբեր մրցումների մասնակցելիս․ շատ դեպքերում մրցույթների կազմակերպիչները թույլ չեն տալիս մասնակցել առանց ապահովագրության), բայց, անշուշտ, ցանկալի է։ Չէ՞ որ յուրաքանչյուր սպորտաձև արդեն որոշակի ռիսկեր է պարունակում՝ ոտքի ոլորում, կոտրվածք և այլն, իսկ ապահովագրությունը թույլ է տալիս ռիսկերը գրպանի համար կառավարելի դարձնել։ Nairi Sport-ը լավ տարբերակ է սպորտային տարբեր խմբակների, ակումբների, մարզադպրոցների, թիմերի համար։

• Ընդհանուր տեղեկություններ
  

  Ի՞ՆՉ Է «NAIRI SPORT»-ը
  «NAIRI SPORT»-ն առաջարկում է դժբախտ պատահարներից ապահովագրություն սպորտով զբաղվող 6-55 (ներառյալ) տարեկան անձանց համար:

   

  ԱՊԱՀՈՎԱԳՐՎՈՂ ԱՆՁԻՆՔ
  Ծրագրի շրջանակներում կարող են ապահովագրվել

  - Մարզական դպրոցների աշակերտները
  - Մարզիկները, ովքեր մասնակցում են մրցումների կամ սահմանված գրաֆիկով հաճախում են մարզական պարապմունքների
  - Պրոֆեսիոնալ մարզիկները, ում համար սպորտը եկամտի հիմնական աղբյուրն է
  - Մարզիչները

  
  ԱՊԱՀՈՎԱԳՐԱԿԱՆ ԾԱԾԿՈՒՅԹ
  Ծրագիրը ընձեռում է ապահովագրական պաշտպանություն՝

  1.Մարզական պարապմունքների ընթացքում
  2. Մարզական մրցումների ընթացքում
  3. Մարզական միջոցառումների ընթացքում ՝
  -ՀՀ տարածքում անցկացվող
  -Արտերկրում անցկացվող

  
  ԱՊԱՀՈՎԱԳՐՎՈՂ ՌԻՍԿԵՐ
  «NAIRI SPORT»-ի շնորհիվ մարզիկն ապահովագրված է դժբախտ պատահարի արդյունքում առաջացած հետևյալ ռիսկերից՝

  - մարմնական վնասվածքներ և կոտրվածքներ
  - աշխատունակության մշտական կորուստ
  - մահ

  
  Ապահովագրական հատուցումներն իրականացվում են հետևյալ սահմանաչափերով՝
  - մարմնական վնասվածքների և կոտրվածքների դեպքում՝ բժշկի ցուցումով փաստացի կատարված բժշկական ծախսերի չափով, բայց ոչ ավել, քան ապահովագրական գումարի 50%-ը,
  - Ֆունկցիոնալության սահմանափակման խորը աստիճանի ձեռքբերման դեպքում՝ Ապահովագրական գումարի 100%-ի չափով,

  - Ֆունկցիոնալության սահմանափակման ծանր աստիճանի ձեռքբերման դեպքում՝ Ապահովագրական գումարի 75%-ի չափով,

  - Ֆունկցիոնալության սահմանափակման միջին աստիճանի  ձեռքբերման դեպքում՝ Ապահովագրական գումարի 50%-ի չափով
  - Մահվան դեպքում՝ Ապահովագրական գումարի 100%-ի չափով:

  ԱՌԱՋԱՐԿՎՈՂ ՓԱԹԵԹՆԵՐ

  	Ապահովագրական գումար /ՀՀ դրամ/	Տարեկան ապահովագրավճար /ՀՀ դրամ/
  		Ռիսկային խումբ 1	Ռիսկային խումբ 2	Ռիսկային խումբ 3
  Տարբերակ 1	500,000	6,000	8,000	9,000
  Տարբերակ 2	750,000	10,000	12,000	13,500
  Տարբերակ 3	1,000,000	13,000	15,500	18,000

   

  ԱՊԱՀՈՎԱԳՐՈՒԹՅԱՆ ԺԱՄԿԵՏ
  Ապահովագրության պայմանագիրը կարող է կնքվել՝

  - 1 տարի ժամկետով
  - մինչև 1 տարի ժամկետով

   

  Ապահովագրության պայմանագիրը 1 տարուց պակաս ժամկետով կնքելու դեպքում կիրառվում են հետևյալ կարգավորող գործակիցները

  մինչև 30 օր	20%
  31-60 օր	30%
  61-90 օր	40%
  91-120 օր	50%
  121-150 օր	60%
  151-180 օր	70%
  181-210 օր	75%
  211-240 օր	80%
  241-270 օր	85%
  271-300 օր	90%
  301-330 օր	95%
  331-366 օր	100%

   

  ՄԱՐԶԱՁԵՎԵՐ

  Ռիսկային խումբ 1	Բազկամարտ, Բադմինտոն, Վազք և քայլք, Բիաթլոն, Բիլիարդ, Ջրային պոլո, Գեղարվեստական մարմնամարզություն, Դարթս, Քյորլինգ, Կինոլոգիական սպորտ, Դահուկավազք, Լող, Ռադիոսպորտ, Ձկնորսական սպորտ, Սինխրոն լող, Սքվոշ, Սպորտային կողմնորոշում, Պարեր, Թենիս, Սեղանի թենիս, Ֆիթնես աերոբիկա, Սուսերամարտ, Շախմատ, Շաշկի, Էսթետիկ մարմնամարզություն
  Ռիսկային խումբ 2	Թիավարություն, Ակրոբատիկ ռոքնռոլ, Բասկետբոլ, Բեյսբոլ, Հեծանվասպորտ, Ջրադահուկային սպորտ, Վոլեյբոլ, Հանդբոլ, Թեթև աթլետիկա, Առագաստանավային սպորտ, Լեռնադահուկային սպորտ, Սքեյթբորդինգ, Եռամարտ, Ժամանակակից հնգամարտ, Ծանր աթլետիկա, Դահուկային երկամարտ, Ջրացատք, Բատուտի վրա ցատկ, Սոֆթբոլ, Սպորտային տուրիզմ
  Ռիսկային խումբ 3	Ավիացիոն սպորտ, Ավտոսպորտ, Ալպինիզմ, Սպորտային մարմնամարզություն, Բոբսլեյ, Բռնցքամարտ, Ծանրամարտ, Գոտեմարտ, Ազատ ոճի ընբշամարտ, Հունահռոմեական ոճի ըմբշամարտ, Ձյուդո, Կարատե, Կոմպլեքս մենամարտ, Ձիասպորտ, Մոտոցիկլային սպորտ, Ռաֆթինգ, Ռագբի, Սամբո, Սնոուբորդ, Սումո, Թեքվոնդո, Ուշու, Գեղասահք, Ֆուտբոլ, Ամերիկյան ֆուտբոլ, Հոկկեյ, Փեյնթբոլ, Քարթինգ, Ստորջրյա սպորտ, Նետաձգություն, Հրաձգություն

   

  ԾՐԱԳՐԻ ԸՆՁԵՌԱԾ ՀՆԱՐԱՎՈՐՈՒԹՅՈՒՆՆԵՐԸ
  «NAIRI SPORT»-ը տալիս է հնարավորություն ունենալու`

  - Պաշտպանություն ցանկացած սպորտաձևով զբաղվելու ժամանակ
  - Պաշտպանություն արտերկրում անցկացվող մրցումների ժամանակ

  
  
  **Սույն ծրագիրը նախատեսված է 20 և ավելի անձանց համար: