ԿՐԻՏԻԿԱԿԱՆ ՀԻՎԱՆԴՈՒԹՅՈՒՆՆԵՐԻՑ ԱՊԱՀՈՎԱԳՐՈՒԹՅՈՒՆ

Քաղցկեղ, սրտամկանի ինֆարկտ, խոր այրվածքներ, կոմա, ուղեղի կաթված, կենսականորեն կարևոր օրգանների փոխպատվաստում․․․ Կրիտիկական այս հիվանդությունները կարող են անսպասելի հայտնվել, ու կյանքի համար սպառնալիք դառնալ։ Այս հիվանդությունների բուժումը բավականին թանկ արժե, հաճախ՝ միլիոններ․․․ Կրիտիկական հիվանդություններից ապահովագրությունն առաջարկում է փոխհատուցել բուժման ծախսերը մինչև 15 միլիոն դրամի չափով։

• Ընդհանուր տեղեկություններ
  

  Ի՞ՆՉ Է ԿՐԻՏԻԿԱԿԱՆ ՀԻՎԱՆԴՈՒԹՅՈՒՆՆԵՐԻՑ ԱՊԱՀՈՎԱԳՐՈՒԹՅԱՆ ԾՐԱԳԻՐԸ

   

  • Ապահովագրության դաս, ենթադաս	Առողջության ապահովագրություն՝ ամրագրված դրամական հատուցմամբ
    Ապահովագրող	«Նաիրի Ինշուրանս» Ապահովագրական ՍՊԸ
    Ապահովագրված անձ	18-65 տարեկան ռեզիդենտ ֆիզիկական անձ
    Ապահովագրական գումար /առավելագույն հատուցման չափ/
    Տարբերակ 1	500,000 ՀՀ դրամ
    Տարբերակ 2	1,500,000 ՀՀ դրամ
    Տարբերակ 3	15,000,000 ՀՀ դրամ
    Տարեկան ապահովագրավճար
    Տարբերակ 1	12,000 ՀՀ դրամ
    Տարբերակ 2	36,000 ՀՀ դրամ
    Տարբերակ 3	360,000 ՀՀ դրամ
    Պայմանագրի գործողության ժամկետ	1 տարի
    Ապահովագրության տարածք	Ամբողջ աշխարհ
    Ապահովագրական ծածկույթ	Կրիտիկական հիվանդություններից ապահովագրություն
    Չհատուցվող գումար	Չի կիրառվում

  • ԱՊԱՀՈՎԱԳՐԱԿԱՆ ՌԻՍԿԵՐ
    Ապահովագրողն իրականացնում է ապահովագրական հատուցում հետևյալ կրիտիկական հիվանդությունների ախտորոշման դեպքում՝

    - Քաղցկեղի չարորակ հիմնական տեսակներ
    - Սրտամկանի կաթված (ինֆարկտ)
    - Ուղեղի կաթված (ինսուլտ)
    - Կենսականորեն կարևոր օրգանների փոխպատվաստում
    - Խորը այրվածքներ
    - Կոմա
    Քաղցկեղի չարորակ հիմնական տեսակներ II և III աստիճաններիառաջնային ախտորոշված քաղցկեղի չարորակ հիմնական տեսակները, որոնք ունեն հիստոլոգիական հաստատմամբ դրական ախտորոշում և բնորոշվում են չարորակ բջիջների անվերահսկելի աճով և հարակից հյուսվածքների ախտահարմամբ:

    
    Սրտամկանի կաթված (ինֆարկտ)՝ սրտամկանի մասնակի մեկուսացում տվյալ օրգանի համապատասխան հատվածների արյան շրջանառության խախտման հետևանքով: Ախտորոշումը պետք է ամրագրված լինի ՀՀ առողջապահության նախարարի 2018թ. հունիսի 29-ի N1666-Ա հրամանով ինֆարկտի համար սահմանված տիպիկ չափանիշների առկայությամբ:

    
    Ուղեղի կաթված՝ արյան սնուցման բացակայությամբ կամ արյունազեղումով պայմանավորված ուղեղի հյուսվածքների մահ, որը բերում է անվերադարձ նյարդաբանական դեֆիցիտի՝ առկա կլինիկական ախտանիշներով: Բացառություն են կազմում տրանզիտ իշեմիկ հարձակումը և ուղեղի հյուսվածքների վնասվածքը կամ արյան անոթների վնասումը:

    
    Կենսականորեն կարևոր օրգանների փոխպատվաստում՝ ոսկրուղեղի, սրտի, երիկամի, լյարդի, թոքի կամ ենթաստամոքսային գեղձի փոխպատվաստում:

    
    Խորը այրվածքներ՝ երրորդ և չորրորդ աստիճանի այրվածքներ, որոնք ծածկում են մարմնի մակերեսի 20% և ավելին:

    Կոմա՝անգիտակից վիճակ, որը բնորոշվում է արտաքին գրգիռների հանդեպ ռեակցիայի թուլացմամբ կամ բացակայությամբ, ռեֆլեքսների մարմամբ մինչև լրիվ անհետանալը, պահանջում է կենսաապահովման սարքերի օգտագործում 96 ժամ և ավելի շարունակվող ժամանակահատվածում և հանգեցնում է մշտական նյարդաբանական դեֆիցիտի՝կլինիկական ախտանիշների պահպանմամբ.

     

  • ԾԱԾԿՈՒՅԹԻ ԲԱՑԱՌՈՒԹՅՈՒՆՆԵՐ
    Ապահովագրողն Ապահովագրական հատուցում չի իրականացնում հետևյալ հիվանդությունների, վիճակների և դրանց հետևանքների դեպքում՝

    - Նախապես առկա կրիտիկական հիվանդությունների վիճակները,
    - Դժբախտ պատահարի հետևանքով առաջացած կրիտիկական հիվանդություններ և վիճակներ
    - սույն ապահովագրության ռիսկերում չներառված հիվանդություններ և վիճակներ,
    - բնածին արատներ,
    - քրոնիկ հիվանդություններ,
    ճգնաժամային (կրիտիկական) հիվանդության ախտանիշները կամ վիճակն առաջին անգամ ի հայտ են եկել կամ առաջին անգամ ախտորոշվել են մինչև ապահովագրության պայմանագրի գործողությունից 90 օրացուցային օր անցնելը (սպասման ժամկետ),
    - ապահովագրված անձի կողմից թույլ է տրվել այնպիսի գործողություն, որը դատաքննչական մարմինների կողմից որակվել է մտացածին կամ դիտավորյալ հանցագործություն,
    - ապահովագրված անձի՝ ալկոհոլի, թմրանյութերի և թունանյութերի օգտագործման և դրանց ազդեցության տակ գտնվելու հետևանքով առաջացած հիվանդություններ/վիճակներ,
    - զենքի կամ զինամթերքի հետ անթույլատրելի կամ անզգույշ վարվելու, ռազմական գործողության, խռովության, ահաբեկչության, քաղաքացիական պատերազմի, ռադիոակտիվ ճառագայթման, բակտերիոլոգիական կամ քիմիական վարակվածության,
    - Ապահովագրված անձի կողմից ինքնասպանություն, ինքնասպանության փորձ կամ կանխամտածված անդամախեղություն կամ Ապահովագրված անձի անմեղսագիտակ վիճակ,
    - հոգեկան հիվանդություններ, շեղումներ, նևրոզներ,
    - դեղորայքի, դեղանյութերի չարաշահում,
    - տրանզիտոր իշեմիկ հարձակումներ, վերտեբրոբազիլյար իշեմիկ հարձակումներ,
    - մաշկի, ձվարանների, շագանակագեղձի չարորակ ուռուցքներ Հոջկինի հիվանդություն, Կապոզիի սարկոմա և այլ՝ ապահովագրության ծածկույթում չներառված օնկոլոգիական հիվանդություններ,
    - ՄԻԱՎ- վարակ, ՁԻԱՀ,
    - Շաքարային դիաբետ և զուգակցված սիրտ անոթային համակարգի հիվանդություններ,
    - պետական պատվերի ծրագրերում ներառված հիվանդություններ/վիճակներ,
    - ցանկացած տեսակի բնածին և ձեռքբերովի հիվանդություններ, որոնք պահանջում են դինամիկ հսկողություն և (կամ) պահպանողական բուժում
    - ապահովագրված անձի կողմից պրոֆեսիոնալ կամ վտանգավոր սպորտաձևերով կամ հոբբիներով կանոնավոր և երկարատև զբաղվելը
    - պատերազմ կամ պատերազմական գործողություններ (անկախ այն հանգամանքից պատերազմ հայտարարվել է, թե ոչ)
    - ահաբեկչական գործողություն:

  • 
    ԱՊԱՀՈՎԱԳՐԱԿԱՆ ՀԱՏՈՒՑՈՒՄ
    Ապահովագրողն ապահովագրական հատուցումն իրականացնում է միանվագ՝ առաջնային ախտորոշումից հետո անընդմեջ 30-օրյա հետաձգված ժամկետը լրանալուց հետո (առաջնային ախտորոշման օրվանից հաշված` կրկնակի ախտորոշումը հաստատվել է 30 օրացուցային օր հետո): Հատուցում վճարվում է նշված հիվանդությունների առաջին անգամ ախտորոշվելու դեպքում:

    
    *Սույն ծրագիրը նախատեսված է 30 և ավելի անձանց համար