ՎՐԱՍՏԱՆ ՄԵԿՆՈՂՆԵՐԻ ԱՋԱԿՑՈՒԹՅԱՆ ԱՊԱՀՈՎԱԳՐՈՒԹՅՈՒՆ

ՆԱԻՐԻ ԻՆՇՈՒՐԱՆՍ-ն առաջարկում է անհրաժեշտ ապահովագրական ծածկույթը՝ Վրաստանում գտնվելու ընթացքում։

• Ընդհանուր տեղեկություններ
  

  Ի՞ՆՉ Է ՎՐԱՍՏԱՆ ՄԵԿՆՈՂՆԵՐԻ ԱՋԱԿՑՈՒԹՅԱՆ ԱՊԱՀՈՎԱԳՐՈՒԹՅՈՒՆԸ
  Վրաստան մեկնողների աջակցության ապահովագրությունը հատուցում է Վրաստանում գտնվելու ընթացքում ապահովագրված անձի հետ տեղի ունեցած դժբախտ պատահարի կամ նրա առողջական վիճակի վատթարացման հետևանքով առաջացած ծախսերը: 

   

  ՈՎՔԵ՞Ր ԵՆ ԱՊԱՀՈՎԱԳՐՎՈՒՄ
  Ծրագրի շրջանակներում կարող են ապահովագրվել պայմանագրի կնքման պահին մինչև 85 տարեկան (ներառյալ) ֆիզիկական անձինք:

    

  Ի՞ՆՉ ՌԻՍԿԵՐԻՑ ԵՔ ԱՊԱՀՈՎԱԳՐՎՈՒՄ
  Վրաստան մեկնողների աջակցության ապահովագրության շրջանակներում հատուցման ենթակա են հետևյալ ծախսերը՝

  -  անհետաձգելի (շտապ) բժշկական ծառայության ծախսերը,

  -  ապահովագրական պատահարի ժամանակ առաջացած բուժտրանսպորտային ծառայությունների ծախսերը,

  -  հայրենադարձության հետ կապված ծախսերը, 
  -  ծախսեր, որոնք իրականացվել են Ապահովագրական պատահարի մասին Աջակցող ընկերությանը կամ Ապահովագրողին տեղեկացնելիս: 

   

  Ի՞ՆՉ ԾԱԾԿՈՒՅԹ Է ԱՌԱՋԱՐԿՈՒՄ ՆԱԻՐԻ ԻՆՇՈՒՐԱՆՍԸ

   

  1 ուղևորության տևողություն	1 օրվա բազային ապահովագրավճար*	Ապահովագրական գումար
  1-ից 15 օր	300 ՀՀ դրամ	30,000 Եվրո
  16-ից 30 օր	250 ՀՀ դրամ
  31-ից 90 օր	200 ՀՀ դրամ
  91-ից 365 օր	150 ՀՀ դրամ

  *մեկ ապահովագրության վկայագրի գծով նվազագույն բազային ապահովագրավճարը չի կարող պակաս լինել 500 ՀՀ դրամից։

   

  Կախված Ապահովագրվող անձի տարիքից՝ վերոնշյալ բազային ապահովագրավճարի նկատմամբ կիրառվում են հետևյալ գործակիցները.

   

  Տարիք	Գործակից
  65 – 70 տարեկան	2
  71- 75 տարեկան	2,5
  76 - 79 տարեկան	3
  80 - 85 տարեկան	4

• Պայմանագրի կնքում
  

  Ի՞ՆՉ ՓԱՍՏԱԹՂԹԵՐ ԵՆ ԱՆՀՐԱԺԵՇՏ ՊԱՅՄԱՆԱԳԻՐ ԿՆՔԵԼՈՒ ՀԱՄԱՐ

  Ապահովադրի և Ապահովագրվող անձի անձը հաստատող փաստաթուղթ։

  Ելնելով տարաբնույթ հանգամանքներից կարող են պահանջվել լրացուցիչ փաստաթղթեր և տեղեկատվություն։

   

   

                 Ընկերությունը «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված հաճախորդի պատշաճ ուսումնասիրության նպատակով կարող է սպառողից «Ճանաչիր քո հաճախորդին» («Know your customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ։

   

  Ապահովագրության տեսակը, ապահովագրության դասը և (կամ) ենթադասը, ապահովագրության պայմանագրի վերակնքման, վերաձևակերպման կարգն ու պայմանները, ապահովագրական պայմանագրի գործողության ընթացքում պայմանագրի կրկնօրինակների, տեղեկանքների և այլ տեղեկությունների տրամադրման պայմանները, ժամկետները և սակագները, ինչպես նաև ապահովագրության պայմանագրի վաղաժամկետ դադարեցման և լուծման դեպքերն ու պայմանները, ներառյալ նաև ապահովադրին վերադարձման ենթակա ապահովագրավճարների մեծության չափը և հաշվարկման կարգը ներկայացված են ստորև կցված Պայմաններում։