Ժամանակակից մարդը մեծ ձգտումներ ունի՝ հասնել հաջողությունների, ունենալ ձեռքբերումներ, մրցունակ լինել, ճամփորդել և այլն։ Մեծ երազանքների ու ցանկությունների ճանապարհին առաջնային կարևորություն ունի առողջությունը։ Կյանքի անկանոն ռիթմը, անառողջ սննդակարգը, մթնոլորտի աղտոտվածությունն ու այլ պատճառներ հանգեցնում են առողջական խնդիրների ու հիվանդությունների առաջացման։ Ցավոք, ներկայում բազմաթիվ հիվանդությունների երիտասարդացում է նկատվում։ Այդ պատճառով ամբողջ աշխարհում առողջության ապահովագրության փաթեթներն առավել տարածված ու պահանջված են դառնում։ Բազմաթիվ երկրներում դրանք պարտադիր են, մեզ մոտ՝ դեռևս կամավոր։ Կարևորելով հանրային առողջությունը՝ մենք մշակել ենք առողջության ապահովագրության տարբեր ծրագրեր։ Մենք հավատում ենք, որ առողջ ապրելու իրավունք ունեն բոլորը, հետևաբար մեր ծրագրերը մշակված են գին+որակ սկզբունքով։ Բարձրորակ բուժծառայությունները ՀՀ լավագույն բուժհաստատություններում հասանելի են դառնում մատչելի արժեքով։ Առողջությունն ամենաթանկն է։ Մենք պատասխանատվություն ենք ստանձնում հոգ տանելու ամենաթանկի մասին։