ՊԱՏԱՍԽԱՆԱՏՎՈՒԹՅԱՆ ԱՊԱՀՈՎԱԳՐՈՒԹՅՈՒՆ

Մասնագիտական սխալը երբեմն կարող է շատ բարձր գին ունենալ։ Եթե չունեք ապահովագրություն, ապա պատճառված վնասների համար ստիպված եք լինելու սեփական գրպանից վճարել։ Սակայն մենք այլ՝ ապահով առաջարկ ունենք․

• Ընդհանուր տեղեկություններ
  

  Ի՞ՆՉ Է ՊԱՏԱՍԽԱՆԱՏՎՈՒԹՅԱՆ ԱՊԱՀՈՎԱԳՐՈՒԹՅՈՒՆԸ
  Պատասխանատվության ապահովագրությունը հատուցում է ապահովագրված օբյեկտի շահագործման կամ ապահովագրված անձի գործունեության հետևանքով երրորդ անձանց պատճառված գույքային վնասները:
  Պատասխանատվության ապահովագրության տեսակները բազմազան են և հիմնականում տարանջատվում են երկու խմբի՝ ընդհանուր պատասխանատվության ապահովագրություն և մասնագիտական պատասխանատվության ապահովագրություն:

   

  Ի՞ՆՉՆ Է ԱՊԱՀՈՎԱԳՐՎՈՒՄ
  Ընդհանուր պատասխանատվության ապահովագրության պայմանագրով կարելի է ապահովագրել՝

  - Մասնագիտական պատասխանատվությունը,
  - Երրորդ անձանց նկատմամբ քաղաքացիական պատասխանատվությունը

• Պայմանագրի կնքում
  

  ՈՐՏԵՂԻ՞Ց ԿԱՐԵԼԻ Է ՁԵՌՔ ԲԵՐԵԼ ՊԱՅՄԱՆԱԳԻՐԸ
  -ՆԱԻՐԻ ԻՆՇՈՒՐԱՆՍ-ի գլխամասային գրասենյակից
  -ՆԱԻՐԻ ԻՆՇՈՒՐԱՆՍ-ի մասնաճյուղից և գործակալական գրասենյակներից
  -ՆԱԻՐԻ ԻՆՇՈՒՐԱՆՍ-ի ապահովագրական գործակալներից
  -Պատվիրելով (010) 50 00 10 շուրջօրյա հեռախոսահամարով

  -Առցանց

   

   

  Ի՞ՆՉ ՓԱՍՏԱԹՂԹԵՐ ԵՆ ԱՆՀՐԱԺԵՇՏ ՊԱՅՄԱՆԱԳԻՐ ԿՆՔԵԼՈՒ ՀԱՄԱՐ

   

  - պետ. ռեգիստրում գրանցման վկայական,

   

  -  ՀՎՀՀ, բանկային հաշվեհամարի տվյալներ,

   

  -  Գործունեության վերաբերյալ տեղեկատվություն։

   

  Ելնելով տարաբնույթ հանգամանքներից կարող են պահանջվել լրացուցիչ փաստաթղթեր և տեղեկատվություն։

   

  Ընկերությունը «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված հաճախորդի պատշաճ ուսումնասիրության նպատակով կարող է սպառողից «Ճանաչիր քո հաճախորդին» («Know your customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ։

   

  Ապահովագրության տեսակը, ապահովագրության դասը և (կամ) ենթադասը, ապահովագրության պայմանագրի վերակնքման, վերաձևակերպման կարգն ու պայմանները, ապահովագրական պայմանագրի գործողության ընթացքում պայմանագրի կրկնօրինակների, տեղեկանքների և այլ տեղեկությունների տրամադրման պայմանները, ժամկետները և սակագները, ինչպես նաև ապահովագրության պայմանագրի վաղաժամկետ դադարեցման և լուծման դեպքերն ու պայմանները, ներառյալ նաև ապահովադրին վերադարձման ենթակա ապահովագրավճարների մեծության չափը և հաշվարկման կարգը ներկայացված են ստորև կցված Պայմաններում։