Նաիրի Ինշուրանսը մեծ ուշադրություն է դարձնում տարբեր գործընթացներում տեղեկատվական տեխնոլոգիաների հնարավորությունների կիրառմանը՝ նպատակ ունենալով հաճախորդների կյանքն առավել ապահով դարձնել ու խնայել նրանց ժամանակը։
Այս տարի առաջին անգամ ընկերությունը մասնակցեց ԴիջիԹեք ամենամյա ցուցահանդեսին` որպես insurtech sponsor: Երկրի համար դժվարին օրերին այս ամենը նոր բովանդակություն ու իմաստ ստացավ։ Նաիրին, հավատարիմ մնալով իր սկզբունքներին, ներդրում է կատարում այն ոլորտներում, որոնք նպաստում են մեր երկրի հզորացմանը, զարգացմանը, տեխնոլոգիական առաջընթացին։
Հոկտեմբերի 13-15-ը ԴիջիԹեքում Նաիրին ներկայացավ ժամանակակից տեխնոտաղավարով՝ ցուցադրելով նաև Ai-ով մեքենայի վնասի գնահատման ծրագիրը։ DigiTec-ի 3 օրերի ընթացքում ՆԱԻՐԻԻ ներկայացրած նորարարությունը՝ AI-ով մեքենային պատճառված վնասի գնահատման ծրագիրը հետաքրքրեց նաև ցուցահանդես այցելած բարձրաստիճան պաշտոնյաներին։ ԴիջիԹեքում մենք հնարավորություն տվեցինք հետաքրքրված բոլոր այցելուներին փորձարկել ու իրենց օրինակով համոզվել, թե որքան խելացի է մեր արհեստական բանականությունը։
Մենք հավատում ենք, որ ուժն ու ապագան կրթության և նորարարության մեջ են։ Դրա համար էլ Նաիրին հայաստանյան ապահովագրական շուկայում աչքի է ընկնում նորարար, թվային լուծումներով։
Առաջինն էր Հայաստանում, որ գործարկեց բջջային հավելված՝ Nairi Mobile, գործարկեց առցանց «անձնական գրասենյակի» հաղափարը, հիմա էլ աշխատում է հավելվածում AI-ի օգնությամբ մեքենայի վնասի գնահատման գործառույթն ամբողջապես ներդնելու համար։ Ամիսներ շարունակ ծրագրավորողների մի մեծ թիմ աշխատել է նորարար այս լուծման ուղղությամբ։ Նաիրի Ինշուրանսն առաջինն է Հայաստանում, որ մեքենայի վնասի գնահատման համար փորձարկում է արհեստական բանականության հնարավորությունները։
Հետագայում` ծրագիրը լիարժեք ներդնելուց հետո, ճանապարհատրանսպորտային պատահարի դեպքում անհրաժեշտ է լինելու սկանավորել մեքենայի վնասված հատվածները, դրանից հետո արհեստական բանականությունը կվերլուծի տվյալները, ապա կառաջարկի պատճառված վնասի գնահատման չափը։