Մեր փոքրիկ բարեկամ կենդանիները ևս սիրո և հոգատարության կարիք ունեն։ Նաիրյաններն օրերս այցելեցին Երևանի քաղաքապետարանի ենթակայության ներքո գործող Կենդանիների խնամքի կենտրոն՝ կացարանում ժամանակավոր բնակվող շունիկներին համովիկներ տանելու, նրանց սիրելու, ժամանակ անցկացնելու և դրական էներգիայով լիցքավորվելու համար։ Կենտրոնում շունիկները մշտական չեն ապրում, նրանք, այսպես ասած, գալիս ու գնում են՝ ըստ անհրաժեշտության։ Այս պահին հարյուրից ավելի շուն է այստեղ ապրում։ Ինչպե՞ս են շունիկները կենտրոնում հայտնվում։
Ամեն օր առավոտյան 6-ից մինչև կեսգիշեր խմբերը մոնիթորինգ են անում Երևանի փողոցներում, նաև մեկնում ահազանգերով, թափառող շներին կենտրոն բերում, նախ հետազոտում վտանգավոր, վարակիչ հիվանդությունների դեմ, դրանից հետո, եթե առողջ են, շունիկները ստերջացվում են։ Անասնաբույժի եզրակացության հիման վրա որոշում է կայացվում՝ շանը վերադարձնել փողոց, թե որոշ ժամանակ կենտրոնում պահել, մինչև կառողջանա։ Այստեղ մնում են նաև այն շունիկները, որոնց որդեգրումը հավանական է, ու կենտրոնի թիմը սկսում է ակտիվորեն բարի և հոգատար տեր փնտրել։
«Գտնված տերը գալիս է, այստեղ պայմանագիր է կնքում, որ կենդանին չի թափառելու, եթե ինչ-որ պահի չի կարողանալու պահել կենդանուն, վերադարձնելու է մեզ, ոչ թե փողոց։ Ձագուկների պարագայում էլ պայմանագրով մենք ենք պատասխանատվություն ստանձնում, որ 4 ամսականից հետո ստերջացնելու ենք անվճար, պատվաստումներ ենք անելու և այլն»,- ասում է Կենդանիների խնամքի կենտրոնի տնօրեն Հարություն Առաքելյանը։
Տարեկան 3000 ավելի կենդանի է կենտրոնում, այսպես ասած, սպասարկվում։

Երևանի քաղաքապետարանի ենթակայության տակ գտնվող «Կենդանիների խնամքի կենտրոն» ՀՈԱԿ–ի նախաձեռնությամբ իրենց տարածքին կից շուտով մեծ կացարան կկառուցվի, որի օրինակով 4-5 կացարաններ կկառուցվեն նաև տարբեր վարչական շրջաններում։

Կենտրոնի տնօրենն ասում է՝ կենդանի պահելու որոշումը կայացնելուց առաջ պետք է  շատ երկար մտածել։ Դա պարզապես զբաղմունք կամ ժամանց չէ, դա պատասխանատվություն է։ Խորհուրդ է տալիս կենդանի էրդեգրել կացարաններից։ Ասում է՝ փորձված բան է՝ փողոցում ապրած շներն ավելի շնորհակալ են լինում մարդկանց ու ավելի լավ ընկեր լինում, քան շատ ու շատ թանկարժեք շներ։

«Երբ իրենց սեր, ջերմություն ու պայմաններ ես տալիս, դա կրկնապատկված վերադարձվում է»,- նշում է Առաքելյանը։

Ի դեպ, Նաիրին իր կորպորատիվ սոցիալական պատասխանատվության շրջանակներում նաև գումար է նվիրաբերել «Դինգո» ՀԿ-ին՝ թափառող շունիկների բուժօգնության կազմակերպման, դեղորայքի ձեռքբերման համար։

Մենք պատասխանատու ենք մեր շրջապատն ավելի լավ ու բարի դարձնելու համար։

Հիշեցնենք, որ Նաիրին նաև ստեղծել է առողջության ապահովագրության հատուկ ծրագիր տնային կենդանիների համար՝ Pet Insurance: