Շրջակա միջավայրի պաշտպանությունը յուրաքանչյուրիս առաքելությունը պետք է լինի։ Հնարավոր չէ ունենալ ապահով միջավայր առանց առողջ ու ապահով շրջակա միջավայրի։ Վերջին տարիներին ամբողջ աշխարհում տարբեր ծրագրեր են իրականացվում՝ մոլորակի մաքրության համար։ Գլխավորներից մեկն աղբի տեսակավորումն ու վերամշակումն է։ Նաիրի Ինշուրանսը, որպես սոցիալական բարձր պատասխանատվություն ունեցող ընկերություն, ևս միացել է աղբի տեսակավորման համաշխարհային արշավին։ Երևանյան մեր երկու գրասենյակներում՝ գլխամասում և «Կենտրոն» մասնաճյուղում, տեսադրվել են տեսակավորող աղբամաններ՝ պլաստիկի և թղթի համար։ Տեսակավորված աղբը յուրաքանչյուր շաբաթ գրասենյակներից տեղափոխվելու է վերամշակման կայան։

Այս գործում մենք համագործակցում ենք «Այ Էս Էս Դի» հասարակական կազմակերպության հետ։

Նշենք, որ ընկերության աշխատակիցներին ներկայացվել է աղբի տեսակավորման կարևորությունը, նաև խորհուրդներ տրվել՝ ինչպես նետել աղբը տարայի մեջ, որ այն ավելի քիչ տեղ զբաղեցնի։

Հուսով ենք՝ մեր օրինակը վարակիչ կդառնա ոչ միայն տարբեր կազմակերպությունների, այլև գրասենյակներ այցելող մեր հաճախորդների համար։