ՆԱԻՐԻՆ շարունակում է զարգացնել միջազգային կապերն ու աշխարհի լավագույն փորձը Հայաստան բերել․ կարևորելով առողջության ապահովագրության մշակույթի տարածումը մեր երկրում, ծառայությունների որակի մշտական բարելավումը՝ ՆԱԻՐԻՆ այս տարի մասնակցում էր Ամստերդամում սեպտեմբերի 19-20 անցկացվող «Global Health Insurance» 16-րդ կոնֆերանսին։ Ընկերությունը միջազգային հեղինակավոր կոնֆերանսում ներկայացնում էին ընկերության գործադիր տնօրեն Մանե Մարտիրոսյանն ու անձնական հայտերի ապահովագրության դեպարտամենտի ղեկավար Աղավնի Դիլանյանը։
Կոնֆերանսի շրջանակներում կարևոր հանդիպումներ են անցկացվել ապահովագրական ոլորտի աշխարհի առաջատար ընկերությունների հետ։
ՆԱԻՐԻՆ հանդիպել է աշխարհի խոշորագույն վերաապահովագրողներից մեկի՝ Swiss Re-ի հետ։ Նշենք, որ Swiss Re-ի պատմությունը սկսվել է դեռևս 1863 թվականին։ Շվեյցարական ընկերությունը ոչ միայն աշխարհի խոշորագույն, այլև ամենահին ու հեղինակավոր վերաապահովագրողներից է։
Բացի այդ, կոնֆերանսի շրջանակում ֆրանսիական հեղինակավոր AXA ապահովագրական և վերաապահովագրական ընկերության (այն դասվում է համաշխարհային տնտեսության մեջ էական նշանակություն ունեցող ընկերությունների շարքում) ղեկավարությունը հատուկ ընթրիք էր կազմակերպել, որին հրավիրված էին նաև ՆԱԻՐԻ ԻՆՇՈՒՐԱՆՍԻ գործադիր տնօրեն Մանե Մարտիրոսյանը և անձնական հայտերի ապահովագրության դեպարտամենտի ղեկավար Աղավնի Դիլանյանը։
Հավելենք, որ կոնֆերանսի առանցքում առողջության ապահովագրությունն էր՝ նորարարության, թվայնացման, տեխնոլոգիական արագ առաջընթացի, տրանսֆորմացիայի դարաշրջանում։ Մասնակիցները քննարկում էին այն մարտահրավերները, որոնք ի հայտ են գալիս առողջության ապահովագրության ոլորտի աննախադեպ արագ փոփոխությունների արդյունքում: