Նաիրին արդեն 28 տարեկան է, հայաստանյան ապահովագրական ոլորտի ամենահնաբնակն է ու առաջատարներից մեկը։ Ինչի՞ շնորհիվ է Նաիրին կարողացել բոլոր այս տարիների ընթացքում պահպանել առաջատարի դիրքերն ու կայուն զարգանալ, լինել առաջիններից մեկը, շատ հարցերում՝ առաջինը։ Սա մի անձի կամ մի օղակի աշխատանքի արդյունք չէ, սա տարիների աշխատանքի հանրագումար է ու այստեղ կարևոր, մեծ ու անփոխարինելի տեղ ունեն Նաիրիի գործընկերները։ Նաիրին հպարտ է, որ կարողացել է ոչ միայն հրաշալի թիմ ձևավորել, այլև բացառիկ, հավատարիմ, պրոֆեսիոնալ գործընկերներ ձեռք բերել։ Նաիրիում միշտ ասում են՝ սա այն ընկերությունն է, որտեղ բարձրագույն արժեքը մարդն է ու մարդկային հարաբերությունները։ Նաիրիի հաջողության պատմությունը հենց դրա ապացույցն է։
Դժվարին իրավիճակներում խնդիրները լուծվել են շնորհիվ մարդկային հարաբերությունների, փոխըմբռնման։
Նաիրի Ինշուրանսն առիթը բաց չի թողնում տարբեր ոլորտներ ներկայացնող գործընկերների հետ հանդիպելու, համագործակցության ընթացքն ու նոր հնարավորությունները քննարկելու և շնորհակալություն հայտնելու համար։ Նաիրյան հերթական միջոցառումն այս անգամ տուրիստական ընկերությունների և վճարահաշվարկային ու բանկային ոլորտների ներկայացուցիչների համար էր։
Մեր հյուրերի համար հետաքրքիր երեկո էինք կազմակերպել՝ սաքսոֆոնային երաժշտություն, համեղ հյուրասիրություն, իսկ երեկոյան DJ-փարթի։
Մենք վստահ ենք՝ մեր գործընկերների հետ դեռ շատ երկար ճանապարհ ենք անցնելու՝ զարգացման, ձեռքբերումների ու հաղթանակների։