ԱՊՊԱ պայմանագիր կարող եք կնքել ՀՀ հաշվառված մեքենաների համար նվազագույնը 3 ամիս, իսկ ՀՀ հաշվառում չունեցող մեքենաների համար նվազագույնը 10 օր ժամկետով։ ԱՊՊԱ պայմանագրի կնքման առավելագույն ժամկետը 1 տարի է։

2023թ․ ապրիլի 1-ից գործող ընկերության մոդելի համաձայն՝ ապահովագրավճարը ձևավորվում է հետևյալ գործոնների հիման վրա․

• ՏՄ-ի տեսակ
• ՏՄ-ի շարժիչի հզորություն
• Ապահովադրի իրավաբանական կարգավիճակը
• Ապահովադրի գրանցման վայր
• Պայմանագրի ժամկետ
• Բոնուս-Մալուս դաս

Բոնուս-մալուսն ԱՊՊԱ ոլորտում ապահովագրավճարների զեղչերի և հավելավճարների համակարգ է։ Մանրամասն՝ այստեղ․

Պատահարների գրանցման պարզեցված ընթացակարգ

Համաձայնեցված հայտարարագրի միջոցով կարելի է գրանցել ավտովթարը, եթե՝

• - վթարին մասնակից են միայն երկու ավտոմեքենաներ, եւ վնաս է պատճառվել միայն այդ ավտոմեքենաներին կամ դրանցից մեկին,
• - վթարում ներգրավված երկու ավտոմեքենաներից առնվազն մեկի համար առկա է գործող ԱՊՊԱ պայմանագիր,
• - վարորդներից մեկն ընդունել է իր ամբողջական մեղավորությունը,
• - տուժող վարորդի պահանջը մեղավոր վարորդի նկատմամբ չի գերազանցում 100.000 դրամը:
• - տուժող վարորդի պահանջը մեղավոր վարորդի նկատմամբ չի գերազանցում 400.000 դրամը (այս դեպքում հնարավոր է պատահարը գրանցել էլ․ համաձայնեցված հայտարարագրի - միջոցով, բջջային հավելված, միայն Երևան քաղաքում տեղի ունեցած պատահարների համար)
•  

Պարտադիր գործողություններ

Ավտովթարների պարզ գրանցման դեպքում անհրաժեշտ է, որպեսզի վարորդները ձեռնարկեն հետեւյալ հաջորդական գործողությունները

• առնվազն երեք անգամ լուսանկարեն բախված ավտոմեքենաների փոխադարձ դիրքերն ու վնասվածքները,
• լրացնեն եւ ստորագրեն համաձայնեցված հայտարարագիրը (Կից ձևաթուղթը)
• տեղի ունեցած ավտովթարի մասին առավելագույնը 40 րոպեի ընթացքում հեռախոսով տեղեկացնել մեղավոր վարորդի ապահովագրական ընկերությանը:

Համաձայնեցված հայտարարագրով պատահարների ինքնուրույն գրանցման համար վարորդների գործողությունների ուղեցույց

Պատահարներ գրանցման ստանդարտ ընթացակարգ

Այն դեպքերում, երբ պատահարի գրանցման համար չեն բավարարում վերոնշյալ պայմանները, ապա տվյալ պատահարը գրանցվում է ՃՈ կողմից։ Այս դեպքում անհրաժեշտ է․

• վթարից անմիջապես կետո վթարի վայր հրավիրեն ՃՈ-ին, իսկ Երևան քաղաքում՝ պարեկային ծառայությանը և հետևեն վերջիններիս ցուցումներին,
• Վթարից հետո առավելագույնը 40 րոպեի ընթացքում պատահարի մասնակից կողմերը պետք է տեղեկացնեն ապահովագրական ընկերությանը (վերջինիս ներկայություւնը դեպքի վայրում պարտադիր չէ),
• Ավտովթարի վայր հրավիրեն ՃՈ, իսկ Երևան քաղաքում՝ պարեկային ծառայությանը, և չտեղաշարժեն մեքենաները, մինչև վերջիններիս դեպքի վայր ժամանելը,
• Մասնակցել ՃՈ/պարեկային ծառայության կողմից սահմանված կարգի փաստաթղթերը կազմելու գործընթացին՝ դրանցում ներկայացնելով իրենց վերաբերող պատասխանները։

Հատուցում ստանալու համար անհրաժեշտ է զանգահարել Ընկերության պաշտոնական հեռախոսահամարին կամ ներկայացնել կայքի միջոցով ՝ կից հղումը․

Պարզեցված ընթացակարգ

Հատուցման գործընթացը կարող է տևել 11աշխատանքային օր` ներառյալ գումարի փոխանցումը։

Ստանդարտ հատուցման գործընթաց

Հատուցման գործընթացը կարող է տևել՝

-         եթե առկա չէ պատճառի փորձաքննություն՝13 աշխատանքային օր` ներառյալ գումարի փոխանցումը,

-         եթե առկա է պատճառի փորձաքննություն՝ 18աշխատանքային օր՝ ներառյալ գումարի փոխանցումը։

Ընդ որում նշված ժամկետները կարող են երկարաձգվել՝ կախված գործընթացում առկա բողոքարկումներից։

• Պատահարում մեղավոր ճանաչված ավտոտրանսպորտային միջոցի սեփականատերը և պատահարի պահին այն տիրապետող այլ անձը, ինչպես նաև Ապահովադիրը,
• այն անձինք, որոնք գտնվել են հափշտակված կամ առանց հափշտակության նպատակի ապօրինաբար տիրացած ավտոտրանսպորտային միջոցի մեջ, բացառությամբ այն դեպքերի, երբ այդ անձինք տեղյակ չեն եղել, որ ավտոտրանսպորտային միջոցը հափշտակված կամ առանց հափշտակության նպատակի ապօրինաբար տիրացած է եղել, կամ ավտոտրանսպորտային միջոցի մեջ գտնվել են իրենց կամքին հակառակ,
• Ավտոտրանսպորտային միջոցի սեփականատիրոջ կամ օրինական հիմքով այն տիրապետող այլ անձի ընտանիքի անդամները՝ գույքին պատճառված վնասների մասով (Ավելի մանրամասն՝ տես օրենքում.

Հենց նման դեպքերի համար նախատեսված են.

Գույքային վնասների համար՝

·ԿԱՍԿՈ
·CASCO UNIVERSAL

Մեղավոր վարորդին պատճառված անձնական վնասների համար՝

·ԴԺԲԱԽՏ ՊԱՏԱՀԱՐՆԵՐԻՑ ԱՊԱՀՈՎԱԳՐՈՒԹՅՈՒՆ

·Եթե Դուք տուժող եք, Ձեզ օգնության կհասնի JUST CASCO-ն,

·Եթե մեղավոր կողմ եք՝ ԱՊԿԱ (Ավտոտրանսպորտային միջոցի օգտագործումից բխող պատասխանատվության կամավոր ապահովագրություն)

·       

Անհրաժեշտ է լրացնել բողոքարկման դիմում։ Այստեղ՝

Բողոքարկման ժամկետներին և հերթական քայլերին մանրամասն ծանոթանալու համար սեղմեք այստեղ.

Ապահովագրական հատուցումը ապահովագրական պատահարի դեպքում ապահովագրական ընկերության կամ Բյուրոյի կողմից տուժողին կամ օրենքով և (կամ) ԱՊՊԱ պայմանագրով նախատեսված դեպքերում այլ անձանց վճարման ենթակա գումարն է։

Հատուցման ենթակա են տուժողին պատճառված հետևյալ վնասները`

• - անձնական վնասներ,
• - գույքին պատճառված վնասներ:

 Մանրամասները՝ այստեղ․

Երաշխավորման ֆոնդն ԱՊՊԱ մասին օրենքի համաձայն ստեղծված ֆոնդ է, որի կառավարիչն է Բյուրոն և որի նպատակն է օրենքով սահմանված դեպքերում Երաշխավորման ֆոնդի միջոցների հաշվին հատուցել տուժած անձանց պատճառված վնասները: Մանրամասները՝ այստեղ․

ՀԱՄԱՁԱՅՆԵՑՎԱԾ ՀԱՅՏԱՐԱՐԱԳՐՈՎ ՊԱՏԱՀԱՐՆԵՐԻ ԻՆՔՆՈՒՐՈՒՅՆ ԳՐԱՆՑՄԱՆ ՀԱՄԱՐ ՎԱՐՈՐԴՆԵՐԻ ԳՈՐԾՈՂՈՒԹՅՈՒՆՆԵՐԻ ՈՒՂԵՑՈՒՅՑ

ՎԱՐՈՐԴՆԵՐԻ ԳՈՐԾՈՂՈՒԹՅՈՒՆՆԵՐԸ

1․ Թղթային տարբերակի լրացման դեպքում

Այս գործընթացն իրականացվում է վարորդների կողմից ինքնուրույն՝ առանց ապահովագրական ընկերության և ոստիկանության ներկայացուցչի համաձայնության և (կամ) ներկայության:

Քայլ 1 - Որևէ կերպ՝ այդ թվում ցանկացած հեռախոսի միջոցով առնվազն երեք անգամ լուսանկարահանում են ճանապարհատրանսպորտային պատահարում (ՃՏՊ) ներգրավված տրանսպորտային միջոցները (ՏՄ): Ընդ որում, լուսանկարահանումը (տեսանկարահանումը) պետք է կատարվի այնպես, որպեսզի լուսանկարներն (տեսանյութն) առնվազն արտացոլեն երկու ՏՄ-ների հետվթարային փոխադարձ դիրքերը և ՃՏՊ-ի հետևանքով դրանցից յուրաքանչյուրի ընդհանրական։

Քայլ 2 - Լրացնում են համաձայնեցված հայտարարագիրը և ստորագրում այն։

Քայլ 3 - Ազատում են ճանապարհի երթևեկելի մասը։

Քայլ 4 - Վնաս պատճառած վարորդը ՃՏՊ-ի մասին իր կողմից վարած ավտոմեքենայի ԱՊՊԱ Վկայագրի վրա նշված հեռախոսահամարով տեղեկացնում է Ապահովագրողին տեղի ունեցած ՃՏՊ-ի մասին՝ հարցադրումներին պատասխանելով առավելագույնը համաձայնեցված հայտարարագրում լրացված տեղեկատվությունը (ուշադրություն՝ ապահովագրական ընկերությունն իրավունք չունի համաձայնեցված հայտարարագրում լրացված տեղեկատվությունից ավել տեղեկատվություն հարցնել ձեզանից)։

Քայլ 5 - Ապահովագրական ընկերությանը տեղեկացնելուց հետո վարորդները իրենց ՏՄ-ներով հեռանում են վթարի վայրից։

Ապահովագրական ընկերությանը դեպքի վայրում սպասելու պարտավորություն վարորդները չունեն։

2․ Բջջային հավելվածի միջոցով գրանցման դեպքում

Այս գործընթացն իրականացվում է վարորդների կողմից ինքնուրույն՝ առանց ապահովագրական ընկերության և ոստիկանության ներկայացուցչի համաձայնության և (կամ) ներկայության։

Քայլ 1 - Վարորդներից որևէ մեկը «App Store» կամ «Google Play» հարթակներից ներբեռնում է «ASWA» անվանմամբ հավելվածը, եթե այն արդեն իսկ ներբեռնված չէ վարորդներից որևէ մեկի բջջային հեռախոսում։ Նման հնարավորության բացակայության դեպքում հնարավոր է օգտվել այլ անձանց հեռախոսներից՝ վերջինների համաձայնությամբ և աջակցության պատրաստակամությամբ։

Քայլ 2 - Հետևելով «ASWA» հավելվածի հրահանգներին բջջային հեռախոսի միջոցով լրացվում է համաձայնեցված հայտարարագիրը՝ ներառյալ կատարելով դրանով նախատեսված լուսանկարները և հաստատումները։

Քայլ 3 - Ճանապարհատրանսպորտային պատահարում ներգրավված տրանսպորտային միջոցներով հեռանում են վթարի վայրից՝ ազատելով ճանապարհի երթևեկելի մասը։

Այս գործընթացով ապահովագրական ընկերությանը դեպքի վայրում սպասելու կամ ապահովագրական ընկերությանը հեռախոսազանգով տեղեկացնելու պարտավորություն վարորդները չունեն։

ԱՊՊԱ և ԿԱՍԿՈ պայմանագրերը մեզ ապահովագրում են տարբեր ռիսկերից։ Առաջինի դեպքում մենք ապահովագրում ենք մեր պատասխանատվությունը երրորդ անձի նկատմամբ, իսկ ԿԱՍԿՈ պայմանագրի շրջանակներում ապահովագրում ենք մեր մեքենան ֆիզիկական վնասից, երրորդ անձանց գործողություններից և հափշտակությունից։ Ուստի ԿԱՍԿՈ պայմանագիրը չի կարող փոխարինել ԱՊՊԱ պայմանագրին։

ԿԱՍԿՈ պայմանագիր կարող եք ձեռք բերել առավելագույնը 10 տարի վաղեմություն ունեցող մեքենաների համար։ Եթե Ձեր մեքենան ունի ավելի քան 10 տարվա վաղեմություն, հոգ չէ, հենց Ձեզ համար ենք մշակել CASCO UNIVERSAL ծրագիրը։

Այո, կարող եք։

Ոչ, JUST CASCO ծրագրով կարող եք հատուցում ստանալ, եթե ՃՏՊ-ում հանդիսանում եք լիարժեք տուժող կողմ։

Ապահովագրական հատուցում ստանալու համար անհրաժեշտ է ՊԱՏԱՀԱՐԸ ՏԵՂԻ ՈՒՆԵՆԱԼՈՒՑ ՀԵՏՈ ՈՉ ՈՒՇ, ՔԱՆ 2 (ԵՐԿՈՒ) ԱՇԽԱՏԱՆՔԱՅԻՆ ՕՐՎԱ ԸՆԹԱՑՔՈՒՄ անհրաժեշտ է ԱՅԴ ՄԱՍԻՆ ԳՐԱՎՈՐ ՏԵՂԵԿԱՑՆԵԼ ԱՊԱՀՈՎԱԳՐՈՂԻՆ ։ Դիմումի ընդունման գործընթացը էլեկտրոնային եղանակով կազմակերպելու անհրաժեշտության դեպքում կարող եք զանգահարել 010 500 010 հեռախոսահամարով։

Ապահովագրական հատուցումների սահմանաչափերը և հաշվարկման կարգն իրականացվում են ԱՊՊԱ օրենսդրությամբ սահմանված կարգով:

JUST CASCO պայմանագրով հատուցման ենթակա է մեքենայի փաստացի գնահատված վնասի և ԱՊՊԱ պայմանագրի գծով վճարված հատուցման գումարի դրական տարբերությունը։

Ապահովագրողը Հատուցմանդիմումըստանալուց հետո պարտավոր է որոշում ընդունել փորձաքննություն նշանակելու մասին(բացառությամբ այն դեպքերի, երբ հարուցվել է քաղաքացիական, քրեական կամ դատական կարգովվարչական գործ): Փորձաքննության ավարտից հետո 10 (տասը) աշխատանքային օրվա ընթացքումընդունվում է ՝ ապահովագրական հատուցումը վճարելու կամ մերժելու մասինորոշում և այն1 (մեկ)աշխատանքային օրվա ընթացքում պատշաճ կերպով ուղարկվումԱպահովադրին (նրաիրավահաջորդին), Լիազորված տիրապետողին:
Ապահովագրողն ապահովագրական հատուցումը վճարում է միանվագ` ապահովագրականհատուցման մասին որոշումը ընդունելուց հետո 5 (հինգ) աշխատանքային օրվաընթացքում:

Պատահար տեղի ունենալուց հետո անհրաժեշտ է .

• Չտեղաշարժել մեքենաները, պատահարի մասին անհապաղ տեղեկացնել՝ զանգահարելով 098 277 277 հեռախոսահամարով ապահովագրողին և հետևել վերջինիս ցուցումներին,
• պատահարի մասին անհապաղ հայտնել համապատասխան իրավասու մարմնին,
• իսկ պատահարը տեղի ունենալուց հետո ոչ ուշ, քան 2 աշխատանքային օրվա ընթացքում այդ մասին գրավոր հայտնել ապահովագրողին։

Էվակուացիայի ծառայություններից կարող եք օգտվել միայն այն դեպքում, երբ մեքենան հնարավոր չէ վարել որևէ տեխնիկական խափանման պատճառով։

Ծրագրով նախատեսված է ծառայությունների անսահմանափակ մատուցում, սակայն յուրաքանչյուր պատահարի դեպքում նույն ծառայությունից կարող եք օգտվել միայն մեկ անգամ։

Եթե տեղի է ունեցել դժբախտ պատահար և Ապահովադիրն ունի Դժբախտ պատահարներից ապահովագրության պայմանագիր, ապա բուժօգնություն ստանալու համար կարող է դիմել ցանկացած բուժհաստատություն առանց նախապես Ընկերության հետ կապ հաստատելու։ Սակայն դժբախտ պատահարից հետո առավելագույնը 2 օրվա ընթացքում պետք է պատահարի մասին տեղեկացնի Ընկերությանը։