Արտասահմանում անձնագիրը կորցնելը տհաճ երևույթ է, բայց դա աշխարհի վերջը չէ։ Ոչ առաջինն եք, ոչ էլ վերջինը, ում հետ նման բան է պատահել։ Այնպես որ հատկապես զբոսաշրջիկների մեծ թիվ ունեցող երկրներն ու քաղաքները վաղուց մշակել են համապատասխան դյուրացված գործընթաց, որպեսզի անձը հաստատող փաստաթուղթը կորցրած զբոսաշրջիկը կարողանա հայրենիք վերադառնալ։
Ի՞նչ է պետք անել։ Առաջին հերթին դադարել խուճապի մատնվել ու չընկճվել։
Առաջնահերթ դիմեք տեղի ոստիկանություն, որտեղ անհրաժեշտ կլինի գրել դիմում անձնագիրը կորցնելու մասին։ Ոստիկանությունում ձեզ կտան անձնագրին ժամանակավոր փոխարինող փաստաթուղթ: Ցանկալի է, որ փաստաթուղթը լինի ոչ տեղական լեզվով, այլև՝ միջազգային որևէ լեզվով:
Հաջորդ քայլը տվյալ երկրում գտնվող հյուպատոսարան կամ դեսպանատուն դիմելն է։ Եթե այդ երկրում չի գործում ՀՀ դեսպանություն կամ հյուպատոսություն, ապա անհրաժեշտ է կապ հաստատել ամենամոտ երկրում գտնվող ՀՀ հյուպատոսարանի հետ: Արդեն հյուպատոսարանում պետք է լինելու լրացնել դիմում անձը հաստատող ժամանակավոր փաստաթուղթ ստանալու համար:
Անձը հաստատող ժամանակավոր փաստաթղթի ստացման համար պետք է ներկայացնել մի շարք փաստաթղթեր.
• դիմում-հայտ
• ոստիկանության տրամադրած փաստաթղթի պատճենը
• 2 գունավոր լուսանկար՝ 3,5 х 4,5
• պահանջվող գումարը (գումարի չափը Ձեզ կհայտնեն դեսպանատանը)
• անձը հաստատող այլ փաստաթուղթ, իսկ եթե չունեք, ապա գոնե երկու համերկրացի պիտի հաստատեն ձեր անձը
Եթե ներկայացրել եք պահանջվող բոլոր փաստաթղթերը, ամեն բան կարգին է, ապա, ամենայն հավանականությամբ, ձեզ ժամանակավոր փաստաթուղթ կտրամադրեն հենց նույն օրը: Փաստաթուղթը ձեռքը վերցնելուց հետո հիշեք, որ այն վավեր է ընդամենը 30 օր, այնպես որ ձեր ճամփորդությունն այնպես ծրագրեք, որ առանց խնդրի վերադառնաք հայրենիք:
Հայրենիք վերադառնալուց հետո պետք է կրկին դիմել ոստիկանական բաժանմունք՝ արդեն սովորական անձնագիր ձեռքբերելու համար:
Մաղթում ենք լավ և ապահով հանգիստ։
Եվ չմոռանաք ճանապարհ ընկնելուց առաջ ձեռքբերել ճամփորդական ապահովագրություն, որպեսզի ոչինչ չխաթարի Ձեր կատարյալ հանգիստը։