Տարիների առաջ մեքենան ապահովագրելու համար պարտադիր պիտի թողնեիր գործերդ, ժամանակ գտնեիր ու հասնեիր ապահովագրական որևէ ընկերության գրասենյակ։ Ժամանակները փոխվել են, ապահովագրություն ձեռք բերելու տարբերակները՝ ևս։ Այսօր թվային հարթություն են տեղափոխվել տարատեսակ ծառայություններ, այդ թվում՝ ապահովագրական։ Ինչպես որ հագուստ, սնունդ, տան պարագաներ գնելու համար տնից կամ աշխատավայրից դուրս գալու կարիք չկա, այնպես էլ՝ ապահովագրություն։
Եթե Հայաստանում ցանկանում ես ապահովագրել մեքենան, առաջին քայլը, որ պետք է անել, ապահովագրական ընկերության ընտրությունն է։ Այստեղ արժե հաշվի առնել մի քանի հանգամանք՝ ընկերության վստահելիությունն ու հուսալիությունը, սպասարկման որակն ու արագությունը, իհարկե, ծառայությունների թվայնացված լինելը։
Այսպես, եթե արդեն ընտրել եք Նաիրի Ինշուրանսը, պայմանագիր կնքելու համար կարող եք․
- • Ներբեռնել մեր բջջային հավելվածը՝ Nairi Mobile, գրանցվել և մի քանի քլիքով կնքել պայմանագիրը,
- • Պաշտոնական կայքէջի՝ «Անձնական գրասենյակում» գրանցվել և կնքել պայմանագիրը
- • Գրել մեզ սոցիալական հարթակներով՝ Ֆեյսբուք, Ինստագրամ և այլն, մեր աշխատակիցը կօգնի կազմակերպել պայմանագրի կնքումը ձեզ առավել հարմար տարբերակով,
- • Զանգահարել ընկերություն՝ 010 500 010 հեռախոսահամարով, և կրկին աշխատակիցը կօգնի կազմակերպել պայմանագրի կնքումը ձեզ առավել հարմար տարբերակով,
- • Կնքել ԱՊՊԱ պայմանագիր մեր գործակալական գրասենյակներում, «Երևան Սիթի» խանութների ցանցի Նաիրյան տաղավարներից,
- • Այցելել ՆԱԻՐԻ ԻՆՇՈՒՐԱՆՍԻ գրասենյակներ։
ԱՊՊԱ պայմանագիր կնքելու համար անհրաժեշտ են․
- • Տրանսպորտային միջոցի սեփականատիրոջ անձնագիրը (եթե մեքենան հաշվառված չէ ՀՀ-ում, իսկ եթե մեքենան հաշվառված է ՀՀ-ում, ապա նաև սոցիալական քարտը) կամ նույնականացման քարտը
- • Մեքենայի տեխանձնագիրը
Եթե պատրաստվում եք ոչ թե կնքել, այլ վերակնքել պայմանագիրը, այսինքն՝ երկարաձգել գործողության ժամկետը, և եթե նախկինում մեքենան ապահովագրված է եղել Նաիրի Ինուրանսում, ապա կարող եք ներկայացնել միայն այն փաստաթղթերը, որոնցում տեղի է ունեցել փոփոխություն։
Ի դեպ, ՀՀ-ում հաշվառված ավտոմեքենայի համար ապահովագրական պայմանագիր հնարավոր է կնքել առնվազն 3 ամիս ժամկետով, իսկ հաշվառում չունեցողների դեպքում՝ առնվազն 10 օր ժամկետով։ ԱՊՊԱ պայմանագրի կնքման առավելագույն ժամկետն էլ 1 տարին է։