Առողջության ապահովագրությունը մի բան է, առանց որի զարգացած արևմտյան երկրներում որևէ մեկն իր կյանքը չի պատկերացնում։ Մինչդեռ Հայաստանում առողջության մասին հոգ տանել, քանի դեռ դանակը ոսկորին չի հասել, տարածված երևույթ չէ, ցավոք։ Առողջության ապահովագրության ներդրման մշակույթում մեծ դեր ունեն սոցիալական բարձր պատասխանատվություն ունեցող ընկերությունները, որոնք հոգ են տանում նաև թիմի առողջության մասին և կորպորատիվ փաթեթներ ձեռք բերում։ Իսկ առողջության անհատական ապահովագրությունն ավելի դանդաղ է զարգանում, մինչդեռ սա հրաշալի հնարավորություն է ոչ մեծ գումարներ ծախսելով հոգ տանել առողջության մասին, ժամանակին հայտնաբերել խնդիրները, վաղ փուլում՝ հիվանդությունները, արդյունավետ բուժում կամմակերպել և այլն։
Կամավոր առողջության ապահովագրությունը (ծրագրերը տարբերվում են ծածկույթով և ընդգրկված ծառայություններով) կարող է ծածկել լաբորատոր, գործիքային հետազոտությունների, ախտորոշման, բուժման, դեղորայքի ծախսերը, որոնք, համաձայնեք, կարող են հանկարծակի և էական հարված հասցնել բյուջեին: Այսինքն՝ սա հնարավորություն է բարձրակարգ մասնավոր կլինիկաներում սպասարկվել՝ առանց մեծ ծախսերի։ Ընդ որում, երբ ունես բժշկական ապահովագրություն, ունես նաև քեզ կցված անհատական բժիշկ-փորձագետ, ում կարող ես դիմել գանգատի դեպքում, ընդ որում՝ 24/7 ռեժիմով և ով ճիշտ կուղղորդի անցնել այս կամ այն հետազոտությունը և այլն։ Բժշկական ապահովագրությունը նաև հրաշալի միջոց է, որ քո ընտրած կլինիկայում քեզ սպասարկեն առանց հերթերի։ Համենայն դեպս, այսպես է, օրինակ ՆԱԻՐԻ ԻՆՇՈՒՐԱՆՍԻ առողջության անհատական ապահովագրության փաթեթների դեպքում։ Այնուամենայնիվ, կարևոր է հասկանալ, որ «ապահովագրությունը» հավասար չէ անվճար բժշկությանը, ուստի ապահովագրական փաթեթից առավելագույն օգուտ ստանալու համար հարկավոր է ճիշտ մոտենալ ընտրությանը:
...)
Նախ մանրամասն ճշտեք, թե ինչ է ներառված փաթեթի շրջանակում։ Օրինակ, եթե ասում են՝ հիվանդանոցային բուժում և խնամք, խնդրեք մանրամասնել՝ ներառվա՞ծ են նաև դեղորայքային բուժումը, հետազոտությունները, որոնց կարիքը կարող եք ունենալ, հիվանդասենյակը, և ինչ գումար է դրա համար նախատեսված։ Ծրագրի ամբողջ ծածկույթը կարող է լինել, օրինակ, 2 միլիոն դրամ, բայց հիվանդանոցային բուժումը և խնամքը նախատեսի, օրինակ՝ ոչ ավելի, քան 300 հազար դրամն է։ Կամ եթե ձեզ ասում են՝ կարող եք սրտի հետազոտություն անցնել, ճշտեք՝ կոնկրետ ի՞նչ հետազոտություններ, քանի որ «սրտի հետազոտություն» ասվածը շատ հարաբերական է, տարատեսակ հետազոտություններ՝ տարբեր արժեքների, կարող են համապատասխանել այս բնորոշմանը։ Կարճ ասած, պետք է իրական սպասումներ ձևավորեք ձեր ապահովագրական փաթեթի նկատմամբ։