Ուղևորությունը միայն վառ տպավորություններ ու գեղեցիկ լուսանկարներ չէ։ Ճանապարհ ընկնելուց առաջ միշտ պետք է հիշել, որ սպասվող դրական հույզերի կողքին հնարավոր ռիսկեր էլ կան, որոնք կառավարելի դարձնելը քո ձեռքերում է։ Կապ չունի, թե ուր ես մեկնում հանգստի՝ Եգիպտոս, թե Ֆրանսիա․ ապահովագրություն արտերկրում ունենալը կօգնի տարբեր չնախատեսված իրավիճակներում։
Եվ այսպես, ի՞նչ է այն և ինչ դեպքերի է համար փոխհատուցում նախատեսված։
Ճամփորդական ապահովագրության հիմնական, այսպես ասած՝ basic փաթեթները հատուցում են նախատեսում անհետաձգելի բժշկական ծառայության համար, դա ներառում է նաև բուժտրասնպորտային ծառայությունը։ Օրինակ, Աստված մի արասցե, բայց ձեռքն ես կոտրել։ Պատկերացնու՞մ ես չէ, թե առանց ճամփորդության ապահովագրության ի՞նչ ծախսեր են քեզ սպասվում արտերկրում։ Իսկ տուրիստական ապահովագրությունն ապահովության բարձիկ է նման իրավիճակներում։
Basic փաթեթների կողքին, օրինակ, Նաիրի Ինշուրանսը նաև այլ փաթեթներ է առաջարկում՝ առավել ընդգրկուն, որոնք հատուցում են նախատեսում տարատեսակ ռիսկերից, նաև հավելյալ ծառայություններ են ներառում։ ՈՒղևորությունների ժամանակ հաճախակի նաև ուղեբեռի կորուստ է լինում, զբոսաշրջիկը ֆինանսական կորուստներ է ունենում ճամփորդության ուշացման կամ չեղարկման պատճառով և այլն։ Զբոսաշրջային ապահովագրությունը նաև այս դեպքերի համար է ապահովություն տալիս։
Կարճ ասած, եթե որոշել ես իդեալական հանգիստ անցկացնել՝ առանց մտահոգվելու, ուրեմն անպայման պետք է ձեռք բերել ճանապարհորդության ապահովագրություն՝ անկախ այն հանգամանքից՝ արդյոք ընտրածս ուղղության համար այն պարտադիր պահանջ է, թե ոչ։
Ինչպես որ ճամպրուկը հավաքելիս պարտադիր համոզվում ես՝ անձնագիրը վերցրել ես, թե ոչ, այդպես էլ արժե բարի սովորություն դարձնել տուրիստական ապահովագրություն ձևակերպելը։ Ուղևորության արժեքին կգումարվի ընդամենը մի քանի հազար դրամ, բայց փոխարենն անգնահատելի ապահովության զգացում կունենաս։
Ի դեպ, շատ կարևոր նշում՝ տուրիստական ապահովագրություն պետք է ձեռք բերել մինչև արտերկիր մեկնելը։ Արտերկրում կնքված պայմանագիրն առ ոչինչ է, և հնարավոր չէ ստանալ ապահովագրական հատուցում։