Մի քանի խորհուրդ լավագույն ճամփորդություն ունենալու համար
2025-09-12
Ուղևորությա՞ն եք պատրաստվում և մտածում եք՝ ինչ անել, որ այն կատարյալ լինի․ մի քանի խորհուրդ՝ լավագույն ճամփորդություն ունենալու համար։
- Նախևառաջ կարևոր է պլանավորել երթուղին․ եթե խիտ ուղևորություն է սպասվում, տեղից տեղ եք գնալու ու ցանկանում եք հնարավորինս շատ բան տեսնել ու վայելել, ապա սա պարտադիր է։ Երբեք մի թողեք հընթացս անելուն, չի ստացվելու և անիմաստ ժամանակ եք կորցնելու։ Ուսումнասիրեք, կարդացեք, գրավոր կազմեք երթուղին՝ յուրաքանչյուր կանգառում անցկացնելու համար մոտավոր ժամանակ հատկացնելով, հետագայում էլ արեք ամեն բան՝ օրակարգից հետ չընկնելու համար։ Հետևեք տարբեր travel բլոգերների էջերին, կարող եք բազմաթիվ օգտակար խորհուրդներ գտնել։ Նաև կարող եք հեռախոսում ներբեռնել քարտեզներ, որոնք կաշխատեն նաև օֆլայն ռեժիմում՝ անհրաժեշտ վայրերը հեշտությամբ գտնելու համար։
- Ուղեբեռ․ եթե ակտիվ ուղևորություն է լինելու, տարբեր քաղաքներում և երկրներում եք լինելու, ցանկալի է, որ բառի բուն իմաստով՝ թեթև ճամփորդեք։ Լավագույն տարբերակը մեկ ուսապարկն է, բայց եթե ոչ մի կերպ չեք կարող դասավորել իրերը մեկ պայուսակում, գոնե փոքր ուղեբեռով սահմանափակվեք։ Մի՛ վերցրեք ավելորդ շատ հագուստ, անիմաստ իրեր։ Եթե անապատ կամ Անտարկտիդա չեք գնում, ապա հիշեք՝ կարող եք ուղևորության ժամանակ գնել, այդպես նաև արտերկրում շոփինգի հարցը լուծած կլինեք։
- Ճամփորդության ապահովություն․ այ սա, թերևս, կատարյալ ուղևորության ամենակարևոր կետերից է։ Ապահով ճամփորդությունը սկսվում է նախ նպատակակետն ընտրելուց։ Եթե, օրինակ, Փարիզ եք գնում, հյուրանոց կամ բնակարան ամրագրեք այնպիսի թաղամասում, որտեղ ապահով է, միգրանտներով լի չէ։ Ուշադիր եղեք ձեր իրերի հանդեպ՝ հեռախոս, պայուսակ մի թողեք սրճարանների սեղաններին, զգոնությունն առաջին տեղում է։ Եթե ավտոբուսով եք ճամփորդելու, ուղեբեռն էլ թողնելու եք հատուկ դրա համար նախատեսված խցիկում, կարող եք ուղեբեռում փոքրիկ GPS սարք տեղադրել՝ վստահ լինելու համար, որ որևէ կանգառում ուղևորներից մեկը ձեր ուղեբեռը չի տանելու։
- Առողջություն․ ճամփորդելիս առողջության հանդեպ առավել ուշադիր է պետք լինել՝ անծանոթ վայրեր, ստամոքսի համար նոր սնունդ և այլն։ Ճամփորդելիս ապահովության համար միշտ ընտրեք շշալցված ջուր և խուսափեք կասկածելի վայրերում սնվելուց։ Միշտ ունեցեք ձեռքի տակ տաք հագուստ, անգամ եթե ամռան շոգին եք ճամփորդում։ Չմոռանաս նաև առաջին անհրաժեշտության դեղորայքի մասին՝ ընդդեմ գլխացավի, մրսածության, ալերգիկ ռեակցիաների, փորացավի և այլն։
- Ու իհարկե, տուրիստական ապահովագրություն․ ընտրեք այնպիսի փաթեթ, որը ոչ միայն կփոխհատուցի արտերկրում առողջության հետ կապված խնդիրները, այլև ծածկույթում ներառված կինեն, օրինակ, ուղեբեռի կորուստը կամ վնասումը, թռիչքի հետաձգումը կամ չեղարկումը և այլն։